How Luo Village Ladies Used To Write Love Letters To Their Boyfriends In The 90s

Uncategorized
  •  
  •  
  •  
  •  
  •  

To my Sweet Boy

Amosi ahinya kageno ni ingima maber , bang’ mos en hero mara mondo walos kodi matin.

Boy, ing’eyo kaka aheri matek wuod Ojwang’ , ing’eyo kuma wahae , tang’o momiyo iketa gi sida mathoth kama ? ang’o momiyo idwa nega gi alsa osiep chunya ? Awinjo awinja ni nyocha omaku gi Pesila kutimo timbe maricho e tok puoth Jaduong’ Jura. En Miluma mane Boy ?

Pesa mane iwuonda ni kiwang’o makaa to ikowona dak iseohorona? Kik iwuonda ni pok iyudo nikech Jopunde nyocha aneno ka oting’o makaa gunde auchiel kowuok go dalau. Nyocha be Min Mise nokona ni ne inyieo long’ mar Tokyo gi T-shirt mar TUPAC ire, minyieo ne Pesila Kamis adek gi kijuku . Idwa ni akoni didi ni sirweche ga oti? Chak inyiewna mo mar Bint el Sudan, Solea kata fofofo gi pafium mar yolanda.

Mar adek, achich ni agamo remo Boy, sani koro dwe misima , pok aneno malo . Dwarore ni imiya pesa adhi anen nyamrerwa Obilo Nyar Andiwo omulna iya kata ka an gi rariw. Sani ok adwar nyathi, babwa nyalo nega owada.

Boy, dwarore ni warad wawuo mondo walos wechegi live live. Litna ni ichamo pesila to an tie. Koka pok otieko kata juma nyaka ne ichama e od dawa.

Mogik, wuo gi Omosh Ninja Man osiepi. osiko odwara osiep kendo nyocha okiya e dho ahora kokona ni mondo wanind kode. Bang’e nomiyo Otiya marwa barua gi siling’ piero adek mondo okelna. an ok adware owada.

Aweyi gi mago Boy, par kuma waaye.

DEDICATION
1. Sipora Nyar Mariwa – Olima Anditi
2. Apidi Nyajohn – Collela Maze

An Jahera mari
Achibela SweetCoco
( Achieng’ Caterpillar)

Leave a Reply

Your email address will not be published. Required fields are marked *